就到夏天愈黎愈熱，狗狗好容易出現「體臭」，容易產生「油脂」同滋生「細菌」，所以主人盡量唔好好似冬天咁一個月先同狗狗沖涼喇！ 打邊爐最重要係個爐，而幫狗狗沖涼最緊要梗係一枝集「抗菌」「 滋潤皮膚」「亮澤及柔順毛髮」於一身嘅沖涼液
「究竟沖涼液要點揀好？」
＊＊＊＊＊＊＊＊＊＊
【幾耐要沖一次涼？】
由於夏天狗狗「油脂分泌」會較「旺盛」，油脂喺溫暖潮濕嘅環境中，會「滋生細菌」，而形成「臭味」所以要比冬天沖涼沖得密啲⏱️基本上建議2-3個星期幫毛孩沖一次涼，但亦都要視乎居住環境同生活習慣判斷，較多外出嘅狗狗可能就要洗密一啲，大概2星期一次
＊＊＊＊＊＊＊＊＊
【點揀沖涼液先好】
宜家市面上有好多種沖涼液，各位主人喺揀之前可以留意以下幾點：
1) 可抗菌
其實除左夏天之外，細菌容易喺狗狗「毛髮中滋生」，導致各種「皮膚問題」！所以主人要揀選一枝可以「抗真菌」同「抗細菌」嘅沖涼液！
2) 防敏不含香味劑
狗狗皮膚一般只有3-5層，皮膚係非常脆弱性質「溫和」，「不刺激」和「不含人造香味劑」嘅沖涼液可以「呵護」到狗狗嘅肌膚
3) 成份天然，可潤膚
唔好以為夏天幫狗狗沖涼，沖涼液就唔需要潤膚主人如果揀左一啲「滋潤功能不足」嘅沖涼液，狗狗嘅皮膚喺吹毛時同回到冷氣地方時，又會被「抽乾水份」，令皮膚又再乾燥！皮膚乾燥又令毛孩R癢，好易有各種皮膚問題「椰子油」、「核桃油」都係好好嘅「天然」潤膚成份，滋潤之餘又唔痴立立
4) 有效平衡油脂分泌
上文都提及過，夏天狗狗油脂分泌會較旺盛，所以如果沖涼液可以「平衡」毛孩「油脂分泌」，就可以減少因油脂過盛引致嘅臭味問題
5) 有助令「毛色亮澤順滑」
相信各種主人都唔想狗狗毛髮「暗啞」又「打tick」痴埋一舊，第3點提及嘅「椰子油」、「核桃油」同埋「迷迭香油」 都可以令狗狗毛色鮮艷亮麗
飼養白色或啡色毛髮狗狗嘅主人，仲可以特別留意沖涼液有冇具「鎖色功效」例如「迷迭香油」有抗氧化作用，可以幫狗狗鎖色，維持靚靚毛色
＊＊＊＊＊＊＊＊＊
下次主人喺揀沖涼液前就記得留意以上「5大重點」，為毛孩揀選 #抗菌#防敏#潤膚#平衡油脂分泌令 #毛色亮澤順滑 嘅沖涼液喇